Tarnim ترنيم

كلمات اوبريت سيبني أعيش

Posted on: 08/04/2010




اوبريت سيبني أعيش

كلمات الشاعر رمزي بشاره
ألحان وتوزيع م.جورج رمزي

تجسد هذه الاوبريت


الاوبريت فيديو>>>
الاوبريت اوديو>>>سبني اعيش – اوديو.mp3

إستغاثة طفل – صَرخة أم – رساله إلى كُل ضَمير- حلم إنسان لم يُذُق بعد طَعم الحياه

المرنمين
فاديا بزي – فيفيان السودانيه – إيفيت سمير – نرمين وهبه – ماجده بزي – ثناء حداد – لورين سعاده – سوزان

مسعود – موريد وليم – مينا عبده – منتصر سلامه – أشرف أنور – ميخائيل القمص جورجيوس – جون بغدادي -

ماركو سيف – بيلندا ميلاد – مريم ميخائيل – ساره ميخائيل – ميرا بارنيس – بيتر جمال مرقس – ماريان رياض –

مونيكا مقار – ثيؤدورا مقار – ماريا غالي – جاكلين شاروبيم – سوزان حنا – جاكلين إبراهيم


كلمات الاوبريت

-1-
أُم وحَاضنه ضَناها بحُرقه
وِبتِبكى مِن نار الفُرقَه
جَسمه مِتَلِّج جِتِّتُه زَرقه
وبينزِف ومفيش إسعاف

قبل ما يكتر ويزيد ألمه
كان فى الفَصل وماسِك قَلَمُه
فَجأة المَريَلَه شربِت دَمُّه
مات ولا حَد سِمع ولا شاف


مش فاهمين … إحنا هناخُد إيه مـ الدُّنيا غير شِبرين
يِعجِب مين … ليه فيه ناس مظلومه وناس تانيين ظالمين


القرار
دُنيا ومين هَيخَلِّد فيها
طَب ليه نِقتِل بَعض عَليها
حَتَّى كَفَنَّا مالوهشى جيوب

ياللى لا تِنعَس ولا بِتنام
ده العُمر إللى مافُُوهشى سلام
عُمر وضايع مش مَحسُوب


يا مولانا إسمَع لِدُعانا .. فيه جُوَّانا سَواد وذنوب
يا سَيِّدنا ساعِدنا إسنِدنا .. وإنجِدنا وكفايه حروب


-2-
والأم دى ماتِت مِن جُوعها
جَف لَبَنها إديت له دموعها
لكن ماتت حاضنه رَضيعها
ماتت حاسَّه بنار ومرار

طِفل بيُصرُخ ويقول آه
وأبوه بيصَرَّخ ويَّاه
أصل منين هيجيب لُه دواه
وعلى الدَّوا والأكل حصار

حَد يحوش … حَد يحِن دى ناس بتإن وشَعب حَزين
إحنا وحوش …وللا بنِنسى إن إحنا أساساً بنى آدمين


-3-
أصوات إنفِجارات ومَدافِع
ناس بِتهاجِم ناس بِتدافِع
أنا مش عارِف إيه الدَّافِع
إيه بيخَلِّى الدَّم يسيل

أو ليه تِبدَأ بالعِدوان
لو إنسان طََََََب ما أنا إنسان
أنا من حقى أعيش فى أمان
من غير خوف ودموع وعويل

سيبنى أعيش … ماتقَرَّبش لبَلَدى وبيتى ماتِرهِبنيش
سيبنى أعيش … عايز أنام بالليل فى أمان ما تهَدِّدنيش


-4-
مين هَيوَقَّف ضَرب النَّار
حَرب ودايره ليل ونهار
وبيوت تتهد وتِنهار
وجَناين تِصبَح خَرابات

صَواريخ وقنابل ورصاص
ناس مِن ناس تانيه بتِنداس
إيد مَرمِيَّه وجَمبَها راس
وجَسَد بَقَى أجزاء وفُتات

ذنبهم إيه … ناس أبريا بتموت أنا باأسأل غِلطوا فـ إيه؟
كل ده ليه … … ناس بِتموت وِمَنِلقاش قَبر نشيلهم فيه


-5-

ليه بَقَى فيه أسلِحه نَوَوِيَّه
صِراعات وَحشِيَّه ودَمَوِيَّه
ومَفيش فى الكوره الأرضيه
حِتَّه مَفيش جُوَّاها خصام


إرحَمنا يارب إرحَمنا
هات من تانى يارَب سَلامنا
داوى جراحنا وإشفى آلامنا
إحنا فـ مِحنه كَما الايتام


فين يا ضمير .. فين يا ضمير العالَم صُوتَك ساكِت ليه
حِمل كبير … فوق ضَهرنا شايلينُه ودايماً ماشيين بيه


-6-
يا إلهنا عَشان إنتَ معانا
وإيديك ساندانا وشايلانا
عَلَشان واخِد بالَك مِننا
وسط العنف سلام يملانا

لينا فـ قَلب العالَم ضيق
ومفيش حاجه تبِل الرِّيق
بس العالَم إنتَ غلبتُه
يَعنى هَتُفرَج لَمَّا تضيق

وقت الخُوف … مش بنخاف . جُوَّانا إيمان مِدِّينا أمان
مهما نشُوف … مهما نقابِل عَتمه هيجى النُّور ويبان


-7-
يارب إحنا كتير دَمَّعنا
وحزِننا وكِترِت أوجاعنا
على الحُب يا رَحمَن جَمَّعنا
خَضَّر تانى الأرض البُور

نَشِّف دَمعِتنا على خُدودنا
دافِع عَنَّا وإحمى حُدودنا
خَلِّى سَلامَك إنتَ يسُودنا
مَشِّى الضَّلمه وإبعَت نُور

مِد إيديك … مالناش غيرَك وَقت الضِّيقَه بنِهرَب ليك
مِد إيديك … إحنا تِعِبنا وجينا وسيبنا حمولنا عليك



تم التسجيل في أستديوهات دي جي مكس في أستراليا
انتاج شركة فاست بلور فيلمز بسيدني أستراليا

قيادة كورال: نصر شاروبيم

كتايه إلكترونيه: أمنيه رمزي

إضاءه: أندرو شاروبيم

مدير تصوير: مانويل عبده

كميرات: نادر راغب – أنطونيوس حنا – وليد سمير – كمــال ميخائيل

تصوير فوتوغرافـيــا: ممدوح عبد الملاك

خطوط متحركه: تونـــي حنا

إخراج: جورج رمزي

About these ads

5 تعليقات to "كلمات اوبريت سيبني أعيش"

بجد مش عارفه اقول ايه بامانه ترنيمه رائعه ربنا يباركم

مؤثر جدا

بجد ترنيمة اكثر من رائعة واحساس عالى جدا بيوصف كل الاشياء بدقة ربنا يعوض تعب محبتكم على المجهود الجبار من المرنمين والموسيقين والتسجيل ولا ننسى صاحب الكلمات الجميلة الشاعر رمزى بشارة ربنا يباركم ويحفظكم صلوا من اجل ضعفى

بجد ربنا يبارك كل من اشترك فى هادا العمل اللى كتير حلو اللة معكم

هو كله بجد طيب بجد ترنيمه جميله اوي

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s

عمانوئيل…الله معنا

باركنا يا رب

لان الله معنا…السيدة فيروز

اروع فيديو كليب ترنيمة

Share this blog

Bookmark and Share

كيفية تنزيل الملفات من الفورشيرد

اضغط هنا

اضغط هنا

التصنيفات

اقرأ التأمل اليومي

TheGrace.com Website Logo

Thanks for Visiting

Meet us on

 

Blog Stats

  • 1,250,305 hits

On Line

مبارك شعب الرب بكل مكان

free counters

الأرشيف

تابع

Get every new post delivered to your Inbox.

Join 99 other followers

%d مدونون معجبون بهذه: